A Xunta de Galicia destaca o Concello de Ponteceso como exemplo de política ambiental útil grazas ao proxecto Couto Florido, unha iniciativa que aposta pola posta en valor da paisaxe, a flora autóctona e a dinamización social da contorna.
O alcalde de Ponteceso, José Manuel Mato, agradeceu á conselleira de Medio Ambiente, Ánxeles Vázquez, o traballo desenvolvido pola Xunta e recibiu a representante autonómica na aldea do Couto, acompañado polo director do Instituto de Estudos do Territorio, Enrique Salvador.
Durante a visita púxose en valor o carácter transformador do proxecto e o seu impacto na recuperación e promoción do patrimonio natural e paisaxístico do municipio.
A iniciativa terá continuidade en 2026, con novas actuacións centradas na mellora da paisaxe, a promoción da flora autóctona e a dinamización social, reforzando así o compromiso de Ponteceso coa protección e posta en valor do seu territorio.