A brigada municipal da Baña continúa desenvolvendo traballos de limpeza, roza e mantemento das vías e dos espazos públicos do municipio, co obxectivo de conservar en boas condicións as diferentes zonas de uso común.
Durante a última semana, as actuacións centráronse en diferentes puntos das parroquias da Baña e, de maneira especial, na área de estacionamento de autocaravanas Couto Carballo, en Ordoeste.
Os traballos realizados inclúen a retirada da vexetación das marxes, a limpeza de zonas peonís e accesos e o acondicionamento dos espazos de uso común. Estas tarefas contribúen a mellorar o estado de conservación dos espazos públicos e a favorecer unhas condicións axeitadas de visibilidade e seguridade nas vías municipais.
Desde o Concello continúase así co labor de mantemento dos diferentes núcleos e espazos públicos do municipio, atendendo as necesidades que se van detectando nos distintos puntos da Baña.
📸 Compartimos algunhas imaxes dos traballos realizados durante estes días en diferentes lugares do municipio.
