Melide acolle hoxe a sexta edición do EcoCamiño 50K, unha camiñada-carreira que une a localidade co Monte do Gozo a través do Camiño Francés de Santiago.
A saída está prevista para as 9.00 horas desde o Cantón de San Roque, en Melide, punto de partida dunha nova edición desta iniciativa deportiva que combina actividade física, natureza e promoción do Camiño de Santiago.
O EcoCamiño 50K regresa así cun percorrido que conecta Melide co Monte do Gozo, nunha xornada na que os participantes poderán gozar dunha experiencia deportiva ao longo dunha das rutas xacobeas máis emblemáticas de Galicia.
