Un incendio rexistrado nun garaxe de dúas plantas situado na rúa Pintor Francisco Llorens provocou importantes danos nas instalacións e afectou a varios vehículos.
O lume calcinou por completo tres coches, mentres que outros dous resultaron afectados polo incendio. Ademais, unha motocicleta tamén sufriu danos.
O garaxe quedou moi afectado pola intensidade das lapas. Polo momento, non se dispón de máis información sobre as causas do incendio nin sobre posibles danos persoais.
