Nicolás Vázquez, novo conselleiro de Medio Ambiente da Xunta, pasa de Industria á responsabilidade política sobre a avaliación ambiental dun proxecto tan controvertido como Altri.
O mesmo responsable que participou na tramitación industrial do proxecto sitúase agora á fronte do departamento que debe velar pola protección ambiental. Unha coincidencia política que suscita preguntas máis que razoables sobre a independencia, a imparcialidade e as garantías do proceso.
A cuestión non é só quen ocupa o cargo. A cuestión é se a cidadanía pode confiar nunha Administración que coloca á fronte da responsabilidade ambiental a unha persoa vinculada anteriormente á tramitación industrial do proxecto.
**Quen garante a independencia? Quen fiscaliza as decisións? E quen responde ante a cidadanía galega?**
En política, a confianza non se esixe: gáñase con transparencia, garantías e feitos. E nun asunto que afecta o territorio, a auga, o medio ambiente e o futuro do país, non abonda con cambiar de cadeira.
**A peito descuberto. Sen medo ás preguntas e sen esquecer as responsabilidades.**
*Quen dixo medo? Nin coas votacións aí. A cidadanía merece respostas, non xogos de despacho
