A programación inclúe teatro, fútbol e iniciativas de sensibilización social, ademais do servizo do Punto Limpo Móbil.
Cabanas afronta unha nova fin de semana con propostas culturais e deportivas para todos os públicos. A axenda comezará o sábado 31 coa última sesión do Ciclo do Teatro e continuará o domingo 1 cun novo encontro do Xuventude Cabanas.
No ámbito cultural, o sábado ás 19:30 horas, a Casa da Cultura acollerá a representación da obra Los marqueses de Matute (1ª parte), a cargo de Licor Café. A entrada será libre ata completar a capacidade do recinto.
A programación deportiva chegará o domingo ás 12:00 horas, cando o Xuventude Cabanas recibirá ao S.D.C. Galicia Mugardos “B” no campo da Veiga. O equipo local buscará prolongar a súa boa dinámica e sumar unha nova vitoria. O acceso será gratuíto.
Por outra banda, durante esta semana o Punto Limpo Móbil estará situado na avenida de Laraxe, no aparcadoiro do cambio de sentido situado fronte a Cáritas, facilitando á veciñanza a xestión adecuada dos residuos.
Ademais, o Concello súmase á conmemoración do Día do TDAH coa iluminación en cor laranxa dos espazos de Cabana, baixo o lema «Cambiar tu actitud, cambia su futuro». Esta iniciativa busca visibilizar o trastorno por déficit de atención e hiperactividade e lembrar a importancia de ofrecer un apoio adecuado desde a contorna familiar, educativa e social. Un xesto simbólico que pretende contribuír á sensibilización e poñer en valor como a comprensión e o acompañamento poden transformar as dificultades en oportunidades de avance.
Deste xeito, Cabanas combina cultura, deporte, servizos municipais e sensibilización social nunha nova fin de semana aberta á participación da veciñanza.
