O alcalde de Laxe, Paco Charlín e o tenente de alcalde Eulogio Constantino mantiveron unha importante reunión co director de Augas de Galicia para seguir avanzando nas actuacións estratéxicas que mellorarán o saneamento e o abastecemento no noso concello 
Durante o encontro abordouse o estado do proxecto da nova depuradora de Traba, unha infraestrutura clave para o futuro ambiental e turístico de Laxe 
. O anteproxecto xa foi revisado e modificado segundo os requirimentos técnicos de Augas de Galicia, e actualmente atópase en tramitación ambiental, á espera da autorización definitiva 
Ademais, Laxe foi un dos tres concellos de toda Galicia seleccionados para participar no estudo das alternativas de saneamento, dentro do Plan Xeral de Augas de Galicia. Un recoñecemento que amosa a confianza da Xunta de Galicia no traballo e na seriedade da nosa xestión 
O Concello continúa conseguindo importantes subvencións de Augas de Galicia para mellorar as redes de saneamento e abastecemento, como as obras previstas nas rúas Real e As Rías, Peñáscales.
Con traballo, planificación e compromiso, seguimos transformando Laxe en un concello máis moderno, eficiente e respectuoso co medio ambiente
