Malpica celebra o “Malpica Surf Fest 2025” o venres 24 e sábado 25.
O paseo marítimo de Malpica acollerá o Malpica Surf Fest 2025, un evento organizado por One Surf Academy que reunirá deporte, música e gastronomía nun ambiente festivo.
O venres 24 de outubro, ás 19:00 horas, terá lugar a presentación oficial e a charla “A historia do surf en Malpica”, acompañada de música en directo.
O sábado 25, celebrarase a Liga Nacional de Longboard, con 6.000 euros en premios, e o Campionato de España de SUP Olas. A programación completarase cunha sesión vermú e paella, churrascada popular e concertos de Spoonfuls e Pladür, ademais da Vagalume Surf Party para pechar o día.
