McDonald’s abrirá o vindeiro 27 de novembro un novo establecemento en Arteixo, incorporándose así á oferta de comida rápida da localidade. A chegada da cadea estadounidense supón un novo impulso comercial para a zona e engade competencia directa ao Burger King, presente na cidade dormitorio da Coruña desde hai varios anos.
O novo restaurante instalarase no histórico O Gallo de Oro, un mítico espazo de celebracións e vodas que formou parte da memoria social de Arteixo durante décadas. A transformación do inmoble permitirá manter a súa ubicación estratéxica e revitalizar un punto de gran tránsito, agora cun formato moderno e orientado ao consumo rápido.
A apertura xerará novos postos de traballo no municipio e promete converterse nun dos puntos de encontro máis concorridos, especialmente entre o público máis novo e as familias que buscan alternativas de ocio e restauración.
