A Aula UNED de Vimianzo abrirá as súas portas este xoves, 8 de outubro, para dar a coñecer á veciñanza a súa oferta formativa e todas as posibilidades que ofrece a Universidade Nacional de Educación a Distancia (UNED) para cursar estudos sen necesidade de desprazarse fóra do territorio.
A xornada terá lugar ás 13.00 horas na Casa da Cultura de Vimianzo, onde as persoas interesadas poderán coñecer de primeira man as opcións de formación, os estudos dispoñibles e os recursos que a UNED pon ao alcance do alumnado.
A iniciativa pretende achegar a universidade ao territorio e facilitar o acceso á educación superior, ofrecendo alternativas flexibles para aquelas persoas que desexen iniciar ou continuar a súa formación académica.
📅 Xoves, 8 de outubro
🕐 13.00 horas
📍 Aula UNED Vimianzo – Casa da Cultura
