A borrasca Ingrid está detrás dun novo accidente múltiple rexistrado este martes na autoestrada AP-9, á altura do punto quilométrico 132, en sentido Santiago. No sinistro víronse implicados un total de 13 vehículos, segundo informou a Garda Civil.
Como consecuencia do accidente, ás 22:00 horas procedeuse ao corte da AP-9 na peaxe de Vilaboa, en sentido A Coruña. O tráfico está a ser desviado pola estrada N-550 como vía alternativa.
A Dirección Xeral de Tráfico (DXT) tamén informou do suceso a través das súas redes sociais e pediu aos condutores extremar a precaución debido ás condicións meteorolóxicas adversas provocadas pola borrasca Ingrid.
Polo momento non transcenderon datos sobre feridos nin sobre a duración prevista do corte da vía.
