A alcaldesa de Muros, María Lago, e a concelleira de Obras, Laura Rivadeneira, supervisaron o estado dos traballos, acompañadas polo director de obra e o contratista.
“A día de hoxe está executada unha das partes máis complicadas da obra, coa colocación das conexións de pluviais, fecais, abastecemento, electricidade e comunicacións cos seus respectivos pozos de rexistro e arquetas”, explica Rivadeneira.
“Un proxecto importante que da resposta ás demandas da veciñanza; a rúa Real necesitaba estas obras de mellora no seu firme e os servizos”, afirma a alcaldesa.
