Seis persoas resultaron feridas esta mañá nun accidente de tráfico no que se viron implicados tres vehículos en Ribeira, e un total de catro evacuados de urxencia.
O sinistro produciuse ao redor das 07:30 horas, no quilómetro 107 da AC-550. Varios particulares contactaron co 112 para alertar dunha colisión na que, nun primeiro momento, parecían implicados varios coches e na que podería haber persoas feridas.
Ademais, advertían da presenza de restos na vía e de vehículos obstaculizando a circulación. Desde o 112 informouse o Servizo de Urxencias Sanitarias do 061, aos Bombeiros de Ribeira, ao Grupo de Apoio e Emerxencias Municipal (GAEM) de Ribeira, e aos axentes da Garda Civil e da Policía Local.
Unha vez no punto, os equipos de emerxencia confirmaron que finalmente se trataba dun accidente con tres vehículos implicados e que catro persoas foron trasladadas ao centro hospitalario de referencia para recibir atención médica.
Dous dos feridos leves reciben atención in situ.
