Hoxe comezou na Aula CeMIT o primeiro dos catro campamentos do proxecto CRI-TIC que se desenvolverán ata finais de agosto en colaboración coa Fundación Esplai, e que teñen como obxectivo mellorar as competencias dixitais da rapazada carballesa de 9 a 17 anos. O alcalde, Evencio Ferrero, e o concelleiro de Innovación, Iván Andrade, deron a benvida aos primeiros participantes, e animáronos a aproveitar as vacacións de verán para seguir formándose dun xeito lúdico.