A vítima, identificada polas súas iniciais, J.R.G. e procedente segú A Vox de Sofán en Carballo, conducía unha furgoneta Citroën Berlingo e era o único ocupante do vehículo cando se produciu o sinistro. A vítima faleceu no acto, sen que os equipos de emerxencia puidesen facer nada por salvarlle a vida.
As primeiras hipóteses apuntan a unha posible indisposición repentina do condutor como a causa do fatídico desenlace. Unha testemuña que circulaba detrás do vehículo relatou aos servizos de emerxencia que a furgoneta comezou a circular de maneira errática, invadindo a beiravía e saíndose finalmente da vía. O vehículo chocou violentamente contra un sumidoiro e acabou envorcado, un impacto que resultou fatal. Os axentes da Garda Civil da Coruña abriron unha investigación para esclarecer as causas exactas do sinistro.
O 112 Galicia recibiu a voz de alarma de varios particulares que presenciaron o accidente e indicaron que o ocupante podería estar atrapado. De inmediato, activouse un amplo dispositivo de emerxencia que mobilizou aos Bombeiros de Ordes, á Garda Civil de Tráfico, á Policía Local de Cerceda e de Carballo, así como aos voluntarios de Protección Civil de Cerceda. Tamén se requiriu o apoio dos profesionais de Urxencias Sanitarias de Galicia-061, que mobilizaron un helicóptero medicalizado con base en Santiago, o cal aterrou nas inmediacións da vía.
