Pasadas as 20 horas, varios particulares alertaron ao 112 Galicia de que un home acababa de ser atropelado no quilómetro 2 da AP-9, á altura do enlace con Alfonso Molina, en Elviña (A Coruña).
De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, da Policía Local e dos servizos de mantemento da vía.
Malia os esforzos por reanimar ao implicado, os profesionais sanitarios só puideron confirmar o seu falecemento.
