Unha muller resulta ferida leve tras sufrir unha saída de vía na AC-142 en As Pontes
Unha muller resultou ferida leve na mañá deste martes despois de sufrir unha saída de vía no quilómetro 1 da estrada AC-142, na parroquia de Vilavella, no concello das Pontes.
Segundo informou o servizo de emerxencias 112 Galicia, a alerta produciuse ás 9:53 horas, cando a propia condutora contactou cos servizos de emerxencias para informar de que sufrira un accidente e que non era capaz de abandonar o vehículo polos seus propios medios.
De inmediato mobilizáronse efectivos de Urxencias Sanitarias de Galicia-061, Bombeiros do Eume, Garda Civil de Tráfico, Policía Local, voluntarios de Protección Civil das Pontes e persoal de mantemento de estradas.
Os bombeiros procederon a liberar á vítima pola parte traseira do turismo, aínda que non foi necesario empregar ferramentas de excarceración ao non quedar atrapada no interior.
A muller foi atendida no lugar polos servizos sanitarios e trasladada posteriormente ao Centro de Saúde, onde ingresou con feridas leves, segundo confirmaron fontes oficiais.
