Onte o Concello de Vimianzo viviu unha tarde inesquecible na Sala de Exposicións Antón Mouzo coa inauguración de “Onde habitan as mouras. Cartografías de nós”, da artista Viki Rivadulla
Unha exposición que nos convida a conectar coa memoria, coa terra e co legado das mulleres, e a reflexionar sobre como coidar o noso territorio desde unha mirada ecofeminista.
As voces das poetas Marta Dacosta, Laura Rey Pasandín e Inma Doval acompañadas de lecturas doutras poetas por Natalia Navaza ,Carmen de Miguel e Nieves Lema ,lembráronnos que a poesía tamén é territorio, memoria e coidado.
Que a arte siga abrindo camiños para escoitar a terra, a memoria e as voces que seguen vivas.
A exposición continúa aberta:
Luns a venres: 9:00-14:00 / 16:00-20:00
Sábados: 9:00-13:00 / 20:00-22:00
E ti, vas perder esta viaxe pola memoria e a terra ou vas achegarte a descubrir onde habitan as mouras?
