Un importante operativo conxunto da Comandancia da Garda Civil da Coruña e do Servizo de Vixilancia Aduaneira está a desenvolverse hoxe na rúa Xaquín Bruquetas, na zona da Solaina, en Narón.
A actuación está relacionada cunha investigación por presunto tráfico de drogas. As dilixencias atópanse baixo segredo de sumario, polo que por agora non transcenderon máis datos sobre o alcance do operativo nin sobre posibles detencións.
Agárdase que nas vindeiras horas ou días poidan coñecerse novos detalles a medida que avance a investigación.
