Corcubión, A Coruña — Na pasada noite produciuse un desprendemento parcial nun tramo do muro de acceso á Praia da Viña, na baixada situada desde a Rúa Simón Tomé Santos, no municipio de Corcubión.
Ante o risco de novos desprendementos e por motivos de seguridade, a Agrupación de Voluntarios de Protección Civil decidiu acordar a zona e proceder ao peche preventivo do acceso á praia.
O incidente afecta directamente ao camiño de baixada cara á Praia da Viña, polo que se recomenda á veciñanza e ás persoas visitantes evitar o paso pola zona ata que se evalúen os danos e se realicen os traballos de reparación necesarios.
As autoridades locais manteñen o perímetro baixo control e, polo momento, non se rexistraron danos persoais. Informarase da reapertura do acceso cando se garantan as condicións de seguridade.
