Hoxe cúmprense 58 anos do asasinato do garda civil José Pardines Arcay, natural de Malpica de Bergantiños (A Coruña), considerado a primeira vítima mortal da organización terrorista ETA.
Os feitos ocorreron en 1968 na estrada nacional I, ao seu paso por Villabona, preto de San Sebastián. Pardines Arcay, membro da Garda Civil de Tráfico, atopábase realizando un control rutineiro cando detivo un vehículo sospeitoso para proceder á súa identificación.
No interior do automóbil viaxaban Txabi Etxebarrieta e Iñaki Sarasketa. Segundo as investigacións posteriores, mentres o axente realizaba a identificación dos ocupantes, foi tiroteado por Etxebarrieta, falecendo no lugar.
Este suceso é considerado un punto de inflexión na historia da violencia de ETA en España, ao tratarse do primeiro asasinato atribuído á organización.
O seu nome permanece ligado á memoria das vítimas do terrorismo e é lembrado en actos institucionais de homenaxe e recoñecemento.
Nin olvido, nin perdón!