Varios condutores alertaron da presenza dunha persoa camiñando polo arcén da autovía en sentido Coristanco, despois da zona de Punta del Este.
A situación xerou preocupación entre os usuarios da vía, xa que a presenza de peóns nunha autovía supón un importante risco para a súa seguridade e para a do resto dos condutores. Tras recibir o aviso, deuse traslado da incidencia aos servizos de emerxencias para que puidesen actuar.
Lémbrase que está prohibido circular a pé por unha autovía, agás en casos excepcionais debidamente xustificados. Ante unha situación semellante, recoméndase avisar de inmediato ao 112 e extremar a precaución ao pasar pola zona.