CORISTANCO | 4 de setembro de 2026. O Concello de Coristanco informa de que este sábado, 5 de setembro, se producirán cortes de tráfico en varias vías municipais con motivo da celebración dunha proba automobilística que afectará ao tramo TC 2-4 Coristanco.
As vías afectadas serán a estrada Vieite-Brenlla e a estrada Couso-Vilar, que permanecerán cortadas ao tráfico desde as 7:31 horas ata aproximadamente as 13:00 horas.
O tramo TC 2-4 Coristanco conta cun percorrido de arredor de 10 quilómetros e terá previstas dúas pasadas, ás 8:46 e ás 11:35 horas.
Desde o Concello recoméndase ás persoas usuarias destas estradas que planifiquen con antelación os seus desprazamentos e que respecten en todo momento tanto a sinalización instalada como as indicacións do persoal encargado do dispositivo de seguridade.
A medida ten como obxectivo garantir a seguridade durante o desenvolvemento da proba automobilística e das persoas que circulen ou residan nas zonas afectadas.
