Bergondo. Dous sucesos rexistrados con apenas dous minutos de diferenza na Nacional VI, á altura do punto quilométrico 579, en Bergondo, deixaron dúas persoas feridas de carácter leve e provocaron importantes retencións en ambos os sentidos da circulación.
O primeiro incidente produciuse arredor das 10:30 horas, cando tivo lugar un atropelo no que resultou ferido leve un home.
Apenas dous minutos despois, ás 10:32 horas, rexistrouse no mesmo punto unha colisión múltiple en cadea, na que resultou ferida leve unha muller.
A sucesión dos dous accidentes provocou fortes retencións tanto en dirección a Betanzos como cara á Coruña, afectando á circulación nos dous sentidos da Nacional VI.
Segundo as últimas informacións, a circulación xa está totalmente recuperada e as retencións quedaron normalizadas.
