O presidente de Vox na provincia coruñesa, Manuel Fuentes Lamas, lembrou a “oposición total” do seu partido ao acordo de Mercosur sinalando que “defendemos o sector primario con firmeza e sen titubeos” fronte á “estafa do bipartidismo” que representan PSOE e PP: “Unha cousa é o que prometen en eleccións e outra a que votan conxuntamente en coalición en Europa, sen importarlle as consecuencias económicas e sanitarias para os galegos”.
Problema económico e de saúde pública Fuentes Lamas comparte o malestar social existente xa que “non soamente está en xogo o futuro da nosa soberanía alimentaria e o futuro de tantas familias que viven da agricultura, da gandería e da pesca en Galicia”. Ademais, segundo Vox, estamos #ante un problema de saúde porque “máis dun 80 % dos pesticidas prohibidos en Europa úsanse indiscriminadamente nestes países”.
Tamén tivo unha alusión directa ao Partido Popular:“Mentres defendemos aos nosos gandeiros e agricultores, o PP traballa para que Vox non exista en Galicia”.
Lembrou que o grupo PATRIOTS por Europa, ao que pertence Vox, presentará unha moción de censura contra a Comisión Europea “pola actitude da presidenta *Úrsula Von der Leyen, que actuou unilateralmente na firma do acordo comercial con Mercosur”.
