O Concello de Mazaricos continúa avanzando nos traballos de mellora das infraestruturas municipais cunha nova actuación de bacheo na localidade de Lago.
Esta intervención céntrase na reparación do firme dunha vía que presentaba un notable deterioro, especialmente tras un inverno marcado por fortes temporais. O obxectivo principal destes traballos é reforzar a seguridade viaria e mellorar as condicións de tránsito para veciños e usuarios habituais da estrada.
Desde o goberno local sinalan que estas actuacións forman parte dun plan progresivo de mantemento e recuperación da rede viaria municipal. “Paso a paso estamos a recuperar estradas e camiños para poñer a punto o noso concello”, destacan fontes municipais.
O bacheo en Lago súmase así a outras intervencións recentes realizadas en distintos puntos do municipio, evidenciando o compromiso do Concello coa conservación das infraestruturas e coa mellora da calidade de vida da veciñanza.
