Un accidente de tráfico rexistrado este sábado na estrada DP-1704, que comunica Cambre con Brexo-Lema, deixou varias persoas feridas.
O sinistro produciuse ás 14:24 horas no lugar de Ascariz, no termo municipal de Cambre. Os servizos de emerxencias desprazáronse ata o punto do accidente para atender as persoas afectadas.
Polo momento non transcenderon máis datos sobre o número de feridos nin sobre a gravidade das súas lesións. Tampouco se coñecen polo de agora as circunstancias nas que se produciu o accidente.
As autoridades investigan as causas do sinistro.