O creador de contido en redes sociais Santiago Caamaño, coñecido popularmente como ChampiMuros, fixo pública nos últimos días a súa denuncia contra o novo acordo de patrocinio do Real Club Deportivo da Coruña coa casa de apostas Betway, unha decisión que xerou un intenso debate entre afeccionados, accionistas e sectores sociais vinculados ao deporte.
A través das súas redes, Champi expresou o seu rechazo frontal á presenza de empresas de xogo no fútbol, argumentando que este tipo de patrocinios “normalizan unha actividade que provoca graves problemas sociais, económicos e persoais en moitas familias”. O creador galego, cunha ampla comunidade de seguidores, incidiu en que o deporte debería representar valores como o esforzo, o compañeirismo e a saúde, e non estar asociado a prácticas que poden derivar en adiccións.
Desde a entidade Faro da Costa, colectivo que tamén é accionista do club herculino, facemos público un comunicado no que apoiamos a postura de ChampiMuros e amosamos a nosa oposición ao acordo co operador de apostas. Segundo sinalan, “o fútbol non pode depender economicamente dun sector que causa tanto dano social”, e consideran que o Deportivo debería buscar alternativas de financiamento que sexan coherentes cos valores históricos e sociais da entidade.
No mesmo comunicado, queremos destacar tamén a traxectoria persoal de Champi neste ámbito. O creador rexeitou diversas ofertas de colaboración de casas de apostas, mantendo unha postura firme e coherente co seu discurso público. Esta actitude “demostra integridade e compromiso social nun contexto no que moitos creadores aceptan promocións deste tipo”.
Ademais, o apoio esténdese á postura crítica de Champi fronte a determinados perfís do mundo dixital aos que acusa de “vender fume” ou promover modelos de éxito baseados en promesas irreais. En concreto, o creador galego mantivo en varias ocasións unha confrontación pública con influencers do ámbito do emprendemento e da motivación financeira, como Llados e outros perfís semellantes, aos que cuestiona por difundir mensaxes que, segundo el, “aproveitan a vulnerabilidade das persoas”.
O debate aberto pola polémica chega nun momento no que a presenza das casas de apostas no deporte profesional segue xerando controversia. Aínda que constitúen unha importante fonte de ingresos para moitos clubs, tamén aumentan as voces que reclaman unha regulación máis estrita ou mesmo a prohibición deste tipo de patrocinios, especialmente pola súa influencia na mocidade.
Mentres tanto, a discusión continúa nas redes e entre o deportivismo, dividindo opinións entre quen defenden a necesidade económica do acordo e quen, como ChampiMuros , considera que os valores do deporte deben situarse por riba dos intereses comerciais ligados ao xogo.
Video Instagram Champi
https://www.instagram.com/p/DUluDunju2a/?hl=es
