O Rally Terra de Galicia, que se disputará do 4 ao 6 de setembro, reunirá a 50 pilotos nun percorrido de 375 quilómetros, 100 deles cronometrados, polos municipios de Carballo, A Coruña, Arteixo, Cerceda, A Laracha, Malpica e Ponteceso. O evento, que debuta como proba puntuable no Campionato de España de Rallys de Terra, converterá a provincia no gran escaparate do motor nacional. A competición presentouse este luns na sede da Deputación, ata onde se achegaron os concelleiros Miguel Vales e Luis Lamas.
Carballo será o centro neurálxico da proba. A oficina permanente do rally estará situada no Pazo da Cultura e o parque de asistencias e entrega de placas, na zona do Rego da Balsa. Podedes consultar os horarios, a listaxe de inscritos e todos os detalles sobre a competición en carballo.gal
