A 36ª edición do Autocross de Santa Comba, que se celebrará o vindeiro 26 de setembro, chega cun atractivo especial para o piloto das Salgueiras, David Ferreiro Caamaño, que afronta a cita coa clara intención de loitar polo podio.
Non hai mellor escenario para buscar ese obxectivo que Santa Comba, unha carreira que se disputa na casa e na que Ferreiro Caamaño contará co apoio da súa afección. O piloto chega, ademais, con boas sensacións despois do 5º posto conseguido en Carballo, resultado que confirma a evolución e o bo momento que atravesa.
As sensacións ao volante son positivas e todo apunta a que David Ferreiro Caamaño protagonizará unha carreira intensa e disputada, tratando de pelexar desde o primeiro momento polas posicións dianteiras.
O Autocross de Santa Comba será, polo tanto, unha nova oportunidade para seguir medrando e, sobre todo, para intentar subir ao caixón nunha das probas máis especiais do calendario para o piloto das Salgueiras.
O 26 de setembro temos unha cita co motor en Santa Comba. Alí estará David Ferreiro Caamaño, disposto a dar o máximo e loitar polo podio na súa casa.
🏁 Vémonos en Santa Comba para desfrutar do motor!
