Un veciño de Camariñas foi denunciado pola súa parella por unha presunta agresión sexual, segundo fontes próximas ao caso.
Os feitos terían ocorrido arredor das catro e media da madrugada deste martes nun domicilio do casco urbano da capital municipal. Varios veciños alertaron ás forzas de seguridade tras escoitar berros e insultos procedentes da vivenda.
Ata o lugar desprazáronse varias patrullas da Garda Civil, que accederon ao inmoble despois de ser atendidas por unha muller. Segundo a información dispoñible, a denunciante manifestou aos axentes que fora vítima de malos tratos e dunha presunta agresión sexual.
A Garda Civil abriu unha investigación para esclarecer o acontecido e determinar as circunstancias dos feitos. Polo momento non transcenderon máis detalles oficiais sobre o caso.
