Tras as queixas recibidas e a gran expectación xerada pola última noticia publicada por Faro da Costa, o medio pon á disposición das familias acolledoras de nenos saharauís unha canle de contacto para que poidan compartir as súas experiencias.
O obxectivo é dar voz a aquelas familias que viviron situacións difíciles ou experiencias negativas durante o acollemento e que desexen contar o seu testemuño.
As persoas interesadas poden enviar o seu relato, así como a información que consideren relevante, ao seguinte enderezo electrónico:
Desde Faro da Costa animamos as familias que atravesaron algunha situación complicada a poñerse en contacto coa redacción para coñecer de primeira man as súas experiencias.
O medio comprométese a escoitar os testemuños recibidos e a valorar a información con responsabilidade, respectando a privacidade das persoas implicadas e, especialmente, a protección dos menores.
Se viviches unha mala experiencia como familia acolledora, queremos escoitarte.
