O Concello de Muros, a través da concellería de Obras e Servizos, continúa cos traballos de mantemento nas parroquias, actuando nesta ocasión na parroquia de Abelleira.
Durante estes días leváronse a cabo tarefas de limpeza das beirarrúas, así como a roza dos bordes dos terreos, co obxectivo de evitar que as herbas e a maleza invadan os espazos de paso.
Trátase dunha actuación realizada pola brigada municipal de obras, que continúa traballando para manter en boas condicións os espazos públicos.
Estas intervencións permiten mellorar a seguridade e garantir que a veciñanza poida transitar con comodidade polas beirarrúas.
