Mallou celebrou onte, 21 de agosto, a súa tradicional Festa da Cachelada, unha cita xa consolidada no calendario festivo da localidade e que volveu reunir veciñanza e visitantes arredor da cultura e das tradicións populares.
A celebración estivo organizada pola Asociación Pedras da Area, entidade encargada de impulsar unha xornada pensada para desfrutar en comunidade e poñer en valor o patrimonio cultural e festivo de Mallou.
A programación contou tamén coa actuación de O coelliño branco, da compañía Migallas Teatro, que achegou ao público unha proposta escénica para toda a familia.
A Festa da Cachelada deixou así unha nova tarde de encontro, diversión e convivencia, mantendo viva unha tradición que forma parte da identidade de Mallou e que ano tras ano continúa reunindo á comunidade.
