Unha enorme póla caeu durante a madrugada sobre a cuberta do templo, na parroquia cabanesa de Cesullas
O forte temporal que afectou esta pasada madrugada á Costa da Morte deixou importantes danos na capela de San Fins do Castro, na parroquia cabanesa de Cesullas.
Unha enorme póla desprendeuse debido á intensidade do vento e acabou impactando contra o templo, provocando a destrución de boa parte do tellado. Os danos na cuberta son considerables e será necesario avaliar o estado da estrutura para determinar o alcance total dos desperfectos.
O suceso produciuse durante a madrugada, coincidindo coa chegada do primeiro temporal do outono á Costa da Morte, que deixou fortes ventos e numerosos incidentes en distintos puntos da comarca.
A caída da póla sobre a capela puxo de manifesto os efectos do episodio meteorolóxico sobre o patrimonio local. Agora queda por determinar a magnitude dos danos e as actuacións necesarias para reparar a cuberta do histórico templ
