Dous vehículos víronse implicados este xoves nunha colisión por alcance rexistrada no quilómetro 2 da estrada DP-2301, que comunica o núcleo urbano de Cee con Lires.
O accidente produciuse ás 10.46 horas, nas proximidades do lugar de A Pereira. Como consecuencia do impacto, unha das persoas implicadas quedou atrapada no interior do vehículo e tivo que ser excarcerada polos bombeiros.
Os servizos de emerxencias desprazáronse ata o punto do sinistro para atender os afectados e asegurar a zona. Polo momento, non transcenderon máis detalles sobre o estado das persoas implicadas nin sobre as circunstancias concretas nas que se produciu o accidente.