Un veciño de Corme permanece en estado grave como consecuencia das importantes queimaduras sufridas no rostro durante unhas labores de desbroce realizadas na mañá deste venres.
O suceso tivo lugar arredor das 11.00 horas, cando o home traballaba na limpeza dunha leira. Segundo as primeiras hipóteses, a vítima tentou queimar restos de biomasa acumulados tras o desbroce e, para avivar o lume, empregou un líquido acelerante, concretamente gasolina.
Por causas que aínda están a ser investigadas, o combustible reaccionou de maneira repentina e saltoulle directamente á cara, provocándolle graves queimaduras.
Ata o lugar desprazáronse os servizos de emerxencia, que atenderon ao ferido antes de proceder ao seu traslado a un centro hospitalario debido á gravidade das lesións.
As autoridades investigan agora as circunstancias exactas nas que se produciu o accidente.