A Laracha vive estes días unha nova polémica veciñal tras a denuncia publicada nas redes sociais por unha residente que asegura ter presenciado como unha persoa realizaba as súas necesidades na rúa e abandonaba os restos no lugar.
Segundo relata a testemuña, os feitos ocorreron cando un condutor detivo o seu vehículo nun punto da localidade, baixou do coche e realizou as súas necesidades fisiolóxicas en plena vía pública, deixando ademais papel tirado no chan antes de marchar.
A veciña mostrou a súa indignación comparando esta situación coas obrigas que teñen os propietarios de mascotas: “Eu teño un can e estou obrigada a levar bolsas e recoller os seus excrementos, pero esta persoa incívica deixou todo tirado alí”, expresou na súa publicación.
A denuncia xerou numerosas reaccións nas redes sociais, onde varios usuarios criticaron a falta de civismo e reclamaron maior responsabilidade por parte da cidadanía. A autora da mensaxe tamén lembrou que existen establecementos hostaleiros preto da zona onde esta persoa podería ter acudido ao baño “tomando un café”, evitando así ensuciar un espazo público.
“Despois botámoslle a culpa aos cans ou aos adolescentes, pero isto fíxoo unha persoa adulta e supostamente responsable”, engadiu.
Os veciños insisten na importancia de manter limpas as rúas e apelan ao respecto polos espazos comúns para evitar situacións deste tipo.