A provincia de Ourense rexistrou tres pequenos movementos sísmicos entre onte e hoxe, segundo os datos facilitados polo Instituto Xeográfico Nacional (IGN).
O primeiro dos tremores produciuse onte ás 23:05 horas en Vilariño de Conso, cunha magnitude de 1,6.
Xa esta mañá, a actividade sísmica trasladouse á zona de Calvos de Randín, onde se rexistraron dous movementos con poucos minutos de diferenza. O primeiro tivo lugar ás 09:34 horas, cunha magnitude de 1,4, mentres que o segundo produciuse ás 09:37 horas, cunha magnitude de 1,3.
Trátase de tres sismos de baixa magnitude, dentro da habitual actividade sísmica que se rexistra na provincia, e non constan danos asociados a estes movementos.
A sucesión destes pequenos tremores volve poñer de manifesto a actividade sísmica presente en diferentes puntos do territorio ourensán, aínda que neste caso as magnitudes rexistradas foron reducidas.
