As actuacións, que acaban de saír a licitación, súmanse aos traballos xa realizados e aos novos proxectos previstos para seguir mellorando o concello.
Muxía, 15 de outubro de 2026. — Sandra Vilela anunciou un novo investimento de 500.000 euros en obras para o concello de Muxía. As actuacións saíron a licitación hoxe e forman parte do conxunto de iniciativas impulsadas para mellorar as infraestruturas e os servizos municipais.
Segundo destacou Vilela, este investimento súmase ás actuacións xa executadas durante os últimos dous anos, así como a outros proxectos que se están preparando co obxectivo de continuar avanzando na mellora do municipio.
A responsable municipal tamén anunciou que o vindeiro mes os veciños e veciñas recibirán nos seus domicilios unha revista informativa na que se recollerá, de maneira detallada, o traballo desenvolvido durante este período e as iniciativas que están en marcha.
A publicación pretende dar a coñecer as actuacións realizadas e os proxectos que se están impulsando para continuar co desenvolvemento de Muxía.
«Os feitos están aí. E queda moito por facer», sinalou Vilela, que puxo o foco na continuidade do traballo municipal e nos investimentos destinados a seguir mellorando o concello.
Con esta nova licitación de 500.000 euros, Muxía dá un novo paso na planificación das actuacións previstas para os próximos meses, nunha liña de traballo que busca dar continuidade aos proxectos xa desenvolvidos e afrontar novos retos para o municipio.
