Veciños de Freán denuncian a situación que están a sufrir pola presenza dunha colonia de máis de 30 gatos, alimentados por unha veciña e que, segundo a súa denuncia, campan libremente pola zona sen que o Concello tome medidas.
A persoa afectada asegura que os animais lle ensucian e ouriñan no alpendre, nas portas e nas ventás da súa vivenda, unha situación que considera insostible e ante a que asegura non recibir solucións por parte das autoridades municipais.
«Ata cando imos ter que aguantar esta situación sen que o Concello faga nada?», pregúntase, ao tempo que critica a falta de actuación dos responsables municipais e, en particular, da área de Medio Ambiente.
Ante a falta de respostas, os afectados non descartan acudir aos medios de comunicación para dar visibilidade ao problema e conseguir que se adopten medidas.
Os veciños reclaman unha solución que permita xestionar a colonia felina de maneira responsable, garantir o benestar dos animais e evitar que a situación siga prexudicando a convivencia veciñal.
«É unha vergoña que ninguén faga nada», lamentan, reclamando ao Concello que interveña e busque unha solución canto antes.
