Unha veciña de Ribeira alerta dun posible intento de roubo no interior de varios vehículos estacionados na localidade.
Segundo relata a testemuña nas redes sociais, observou desde a súa vivenda como un individuo ía camiñando pola zona e tanteando as portas de varios coches, incluído o seu, para comprobar se estaban abertos.
A persoa que deu a voz de alarma asegura que lle chamou a atención en varias ocasións, pero o individuo continuou camiñando sen darse a volta.
Como sinal identificativa, describe que vestía unha chaqueta tipo cazadora con cores de camuflaxe militar.
Ante esta situación, a veciña lanza unha advertencia ao resto da cidadanía: pechar sempre os vehículos con chave ao baixar deles, mesmo cando se estacionan por pouco tempo, para evitar posibles roubos.
