Accidente con feridos en Ames por saída de vía
Esta tarde, o 112 Galicia informou dun accidente de tráfico na estrada que une Bertamiráns con Augapesada, á altura do lugar de Pousada, no concello de Ames.
Segundo os primeiros datos, un vehículo saíuse da vía por causas que aínda se están investigando, provocando que varias persoas resultasen feridas.
Ata o punto do sinistro desprazáronse os servizos sanitarios do 061, efectivos da Policía Local de Ames e membros da AVPC Ames, que colaboraron nas tarefas de asistencia e regulación do tráfico.
Por agora non trascenderon máis detalles sobre o número de feridos nin o seu estado, á espera da avaliación médica e do informe oficial das autoridades.
