Nace Ferreiro Team unha nova escudería no mundo do motor Galego -

Este ano ve a luz unha nova escudaría no motor galego: Ferreiro Team, un proxecto que nace nas Salgueiras grazas ao esforzo e á paixón de David Ferreiro Caamaño, cunha ampla traxectoria no mundo do motor e unha afección que lle vén de familia.

Ferreiro Team ten previsto participar no Campionato Galego de Carcross, Rallymix e Autocross de -2000 c.c., afrontando esta nova etapa con ilusión, compromiso e un forte vínculo co automovilismo galego.

Un equipo con experiencia e paixón

Nesta aventura, David estará acompañado polo piloto José Martínez Rega e polo experimentado piloto de Carcross José Luis González “Pitufo”.
O equipo técnico estará encabezado por José Rojo Novoa como mecánico oficial, contando coa axuda de Adrián e Gabriel como axudantes.
Completa a estrutura do equipo Sheila Sánchez, como directora comercial.

Actualmente, Ferreiro Team atópase en busca activa de patrocinios para iniciar esta nova andaina. Polo de agora, os patrocinadores confirmados son:

Maquinaria Agrícola O Rubio
Panadería Maymar
HR Madera Carpintería
42 Liñas Imprenta e Publicidade
Costa da Morte Web
Herrera Rial Construcións
Bar O Cruce

David Ferreiro Caamaño: unha vida ligada ao motor

Apaixonado do motor desde moi novo, David comezou a súa traxectoria aos 17 anos preparando o seu primeiro coche de gincanas xunto a un amigo. Desde entón participou en diferentes probas con vehículos como un R5, Ford Fiesta e Citroën AX, demostrando sempre dedicación e espírito competitivo.

No ano 2014 deu o salto ao Campionato Galego de Autocross cun Opel Corsa, acadando bos resultados grazas ao apoio dos seus pais. Tras varias tempadas con momentos destacados e tamén con avarías, decidiu facer un punto e aparte na competición profesional, aínda que nunca se afastou do automovilismo. Desde entón segue axudando de maneira desinteresada a numerosos pilotos a mellorar e reparar os seus coches.

Tamén participou nalgunhas probas de rallysprint en León e autocross en Asturias, e actualmente está moi centrado en volver a participar este ano en autocross e pelexar polos primeiros postos e debutar en rallys.

Ferreiro Team tera proximamente circuito propio.