Unha colisión por alcance entre dous vehículos produciuse ás 09:50 horas no enlace da Terceira Rolda, preto da conexión coa estrada do aeroporto. O accidente deixou unha persoa ferida leve e obrigou a cortar o carril dereito en sentido A Coruña, na subida desde o aeroporto, o que provocou retencións puntuais.
A situación quedou totalmente solucionada ás 13:13 horas, coa circulación xa normalizada.
Por outra banda, na AP-9 á altura de Palavea, rexistrouse outro incidente a primeiras horas da mañá. Ocorreu ás 08:40, tras unha colisión por alcance entre tres vehículos, con un ferido leve. O carril dereito permaneceu cortado en sentido A Coruña desde o quilómetro 4, aínda que o tráfico xa circula con normalidade tras resolverse o incidente.
