Furgon deste tipo
Veciños da comarca de Bergantiños manifestaron a súa preocupación pola presenza dunha furgoneta de grandes dimensións que, segundo varios testemuños, se detén diante de vivendas nas que hai cans para observar as súas razas. De acordo coas denuncias, as persoas que viaxan no vehículo seleccionarían aqueles animais que lles interesan coa posible intención de roubalos.
A inquietude veciñal aumentou tras confirmarse o roubo dun can de raza Yorkshire no concello de Malpica, ocorrido na noite do pasado sábado. Este feito incrementou a alarma entre os propietarios de mascotas da zona, que temen que poida tratarse dunha práctica organizada.
Ante esta situación, recoméndase extremar as medidas de seguridade, non deixar os cans sós no exterior das vivendas e avisar de inmediato ás forzas de seguridade ante calquera comportamento sospeitoso ou a presenza reiterada de vehículos descoñecidos.
