O goberno dá por feito o asentamento dunha única unidade administrativa en Cee (A Coruña), mantendo operativas as instalacións da actual Base Marítima de Muros.
Despois de máis de trinta anos de espera, a Costa da Morte contará por fin cunha base estable do Servizo de Vixianza Aduaneira no porto de Brens, así como cunha patrulleira que permitirá garantir o control da zona costeira entre Fisterra e Laxe, ata agora un punto cego na vixilancia marítima.
A zona norte estará apoiada pola Base Marítima da Coruña, con embarcacións tamén en Muros e Camariñas. Esta reorganización, coordinada a nivel estatal e pola Delegación Especial de Galiza, supón un reforzo importante dos medios materiais, con especial atención á Costa da Morte.
🔹 Medios previstos:
- Unha embarcación Rodman 33 (xa operativa en Muros)
- Un patrulleiro Rodman 101 (con base en Brens)
- Unha semirríxida non cabinada (destinada á ría de Camariñas)
🗣️ Declaracións de Óscar Insua, deputado no Parlamento galego:
“Por fin logramos unha demanda histórica da comarca. Estamos satisfeitos co resultado despois de insistir en todas as institucións na necesidade de protexer as nosas costas do narcotráfico.”
“Non foi sen tempo, pero a espera pagou a pena. Agora imos seguir traballando para que a unidade administrativa entre en funcionamento canto antes e para contar cunha patrulleira en condicións.”
“Estes logros demostran a utilidade do traballo constante e perseverante, e axudan a seguir mellorando o futuro da nosa comarca.”
✔️ Un paso clave para reforzar a seguridade e a vixilancia das nosas costas.
✔️ Unha demanda histórica que por fin comeza a ser realidade.
