Un accidente de tráfico con persoas feridas rexistrouse na tarde deste sábado na estrada AC-552, ao seu paso pola parroquia de San Roque, no concello de Coristanco.
O sinistro produciuse pasadas as 13:00 horas, moi preto do coñecido Estanco de Tony. Ata o lugar desprazáronse os servizos de emerxencia para atender ás persoas implicadas no accidente e garantir a seguridade na zona.
Polo momento descoñécese o número exacto de feridos e a gravidade das lesións sufridas, aínda que varias persoas precisaron asistencia sanitaria. O accidente provocou tamén retencións puntuais no tráfico mentres se realizaban os labores de atención e retirada dos vehículos implicados.
As autoridades investigan as circunstancias nas que se produciu o sinistro.
Ampliarase a información a medida que se coñezan novos datos.