As delegadas da CIG de Froiz en Serra de Outes denuncian que, desde que puxeron en coñecemento da empresa a situación que se está a vivir no centro de traballo, xa lle deron tempo suficiente para adoptar as medidas necesarias e solucionar os problemas existentes.
Porén, ante a falta dunha solución satisfactoria, as representantes sindicais teñen claro que non van dar un paso atrás.
*«Seguiremos en loita ata que se solucione. Defendemos un traballo digno e unhas condicións laborais xustas para todo o persoal».*
Desde a representación sindical insisten en que a empresa debe asumir as súas responsabilidades e dar unha resposta ás demandas das traballadoras e dos traballadores.
A CIG continuará defendendo os dereitos do persoal de Froiz en Serra de Outes ata conseguir unha solución que garanta unhas condicións laborais dignas e respectuosas cos dereitos das persoas traballadoras.
*Por un traballo digno, por unhas condicións xustas e polo respecto aos dereitos do persoal. A loita continúa
