O roubo produciuse esta madrugada na parroquia de Cerqueda, en Malpica de Bergantiños
O supermercado Eroski de Cerqueda, no municipio de Malpica de Bergantiños, foi asaltado durante a madrugada deste venres. Segundo as primeiras informacións, varios individuos entraron no establecemento e levaron a caixa forte.
Tras cometer o asalto, os presuntos autores dos feitos fuxiron nun vehículo todoterreo, segundo os datos coñecidos ata o momento.
A caixa forte tería sido posteriormente recuperada, aínda que polo momento non transcenderon máis detalles sobre o lugar e as circunstancias nas que foi localizada.